Xeylêk şaristan û berhemê tarîxîyî yê Kurdîstanî benê hedefê defîngeran. Berhemê Medenîyetê Urartijan zî asta berze de yê hedefê înan de yê. Nê beheman ra tayî zî Girê Zirnakî de yê ke wextêk paytextê Urartijan bi. Şaristanê Urartu 2 hezar û 800 serrî verê cû awan bîyo û 70 hezar kesî tede ciwîyayî. Şaristano ke  girê mabênê Erdîş û Gola Wanî de amebi awankerdene nika verê çinbîyayîşî de yo.

Rixmo ke Girê Zirnekî warêkê SÎTî yo nêno pawitene û tim hedefê defînegeran de yo. Hema hema her hetê şaristanî hetê defînegeran ra ame kinitiş.

Nuştox û cigêrayox Îkram Îşlerî îfade kerd ke şaristanê Urartu dinya de şaristanêko zaf girîng o la sey axpîn şuxilîyeno û yeno çinkerdene. Îşlerî ard ziwan ke berhemê tarîxîyî yê Kurdîstanî vergan ra vera dîyayê û seba panc quruşan yenê pêşkêşkerdene. 

Îşlerî vat: ''Na mesele de nêzdîbîyayîşê dewlete zî zaf balkêş o. Dewlete talanê nê cayî pey goş kena. Welatê bînî yê dinya vera talananê winasênan cezayêka pîle danê. Ma nê tewirî şermezar kenê. Ganî cade nê tewirî ra fek bêro veradayene.''