Serdeştê Koyê Şingalî de Merkezê Kultur û Hunerî yê Şêxmusî pê tewrbîyayîşê xeylêk roşnvîr, hunermend û keyeyanê şehîdan ame akerdene.

Merasîmê akerdişê merkezî pê deqayêkê rêzgirewtişî yê seba şehîdanê Êzîdxanî dest pêkerd.

Endamê Îdareyê Kultur û Hunerî yê Şingalî Azad Hisênî merasîm de wina qisey kerd: ''Pêro tarîxî de dişmenan tim xîret kerd ke kultur û dînê ma çin bikerê la komelê êzidîyan tim erjê xo pawitî. Fermanê 3ê tebaxa 2014î ra dima zî kultur û bawerîya ma ameyî hedefkerdene. Seba ke ma bieşkê xizmetê şarê xo yê Serdeştî bikerê ma no merkezê pê nameyê hunermendê pîlî yê Şingalî Şêxmusî kerd a.''

Qiseykerdişan ra dima hunermend, deyîrbaz û kaykerdoxî vejîyayî sehne ser û berhemê xo pêşkêş kerdî.