Merkezê kultur û hunerî yê Rojawanî domananê ameyoxî bi kulturê înan weye kenê. Hunermende Zîne Ehmed zî nê dezgehan de ameya perwerdekerdene. Zîna ke bi muzîkî dest pê hunerî kerd, eynî wextî de tîyatro de kay kena.  Fîlmê Evîna Kurdî de rolê Dîlane de ya ke kulturê kurdan temsîl kena.

Zînê Ehmed heme domanîya xo ra muzîk rê eleqedar bena û 2018 de Merkezê Kultur û Hunerî yê Aram Tîgranî de tewrê xebatanê hunerî bena. Zîna ke wazenê biba hunermenda pîle  ya kurdan  verî dest pê muzîkî kena dima ra tîyatro. Domanîya xo de tewrê Grûba Tîyatroyî ya Şehîd Yekta Herekolî. bena Pede pede xo aver bena û sey ciwanêke tewrê Grûva Tîyatroyî ya Şehîd Hêvî bena. Nika koma xo ya verêne de ders dana domanan.

Zînê Ehmed vat, ''Goreyê raştîya komelî huner de cagirewtişê cinîyan hend nêameyêne qebulkerdene. Komelî manaya hunerî nêzanayêne. Huner sey çîyê muhîmî nêhesinayêne. Heqîqetê komel û huner cêsernêfîyene nêameyêne zanayene. La nika, gama ke ma ver bi serra 12. ya şorişî şine, ma vînenê ke senî zaf çî ameyo bedilnayene. Şoriş hinî hunermendanê xo weye keno. Domanî, pîlî mîyanê xebatanê hunerî de cayê xo genê. Tekîlîya huner û komelî bena hêzdare. Senî ke cinîyan serkêşîya şorişî kerd ewro zî serkêşîya şorişê kultur hunerî kenê.''