'Şorişê 19ê Temmuze ra dima hunerê kurdan resa astêka berze'

Mamostayanê govende, muzîk û tîyatroyê kurdkî dîyar kerd ke Şorişê 19ê Temmuze ra dima Rojawan de karê hunerî resayê astêka tewr berze.

Wextê rejîmê Baasî de Rojawanê Kurdîstanî de karê hunerî yê bi kurdkî qedexe bîyî. La Şorişê 19ê Temmuze ra dima Rojawan de karê hunerê kurdan zêdîyayî. Mamostayanê govende, muzîk û tîyatroyê kurdkî dîyar kerd ke Şorişê 19ê Temmuze ra dima Rojawan de karê hunerî resayê astêka tewr berze.

Mamostayê govende ard ziwan ke wextê rejîmê Baasî de govenda kurdan qedexe bîya û la nika ê kenê ke tarîxê govenda kurdan bimusnê domanan.

Ehlam Ebdîyî îfade kerd ke nika ê bi rayîrê muzîkî destan û orkestrayanê xo pêşkêş kenê û hîsanê xo anê ziwan. Ebdîyî vat: ''Bi rayîrê muzîkî ma pêro hîsanê xo anê ziwan û ma hêvî kenê ke muzîkê bi kurdkî resayo asta tewr berze. Goreyê mi muzîk cuyêka zaf hîra ya.''

Domana bi nameyê Beyane Fethî Hesen pare kerd ke a mîyanê tîyatroyî de cagêna û vat: ''Wexto ke ez tîyatro kena xo seke cuyêka cîya de hîs kena. Ez hêvî kena ke tîyatroyê kurdan do aver şoro. Ma venga domanan danê ke wa tewrê tîyatroyî bibê.''

Domana bi nameyê Evîne Xelîl ard ziwan ke tîyatro çîyêko zaf weş o û vat: ''Ma hêvî kenê ke tîyatroyê bi kurdkî do bibo tîyatroyo tewr pîl. Heta nika ma zaf kayê tîyatroyî pêşkêş kerdî û ma do xebatanê xo bizêdînê.''