Amed de Komala Ciwanîye û Bedilîyayîşî ya ke semedê paştîdayîşê cinîyan û ciwanan têgêrena, semedê qicanê wendekaran kitaban arê dana.

18 KITABXANEYÎ AMEYÎ RONAYENE

Qismê ewilênî yê kampanya serra 2007 de bi paştîdayîşê Şarêdarîya Bajarê Pîlî yê Amedî hetê Meclîsê Ciwanan ê Konseyê Kentî ra amebi destpêkerdene û bado zî bi paştîdayîşê Komela Ciwanîye û Bedilîyayîşî ame domnayene. Xebatkarê bizerrîyî yê komele semedê şawitişê dewan kitabî ke arê dayî, nînan ra merkezê Amed û qezayanê ci de 18 kitabxaneyî akerdî. Nika zî semedê kitabxaneyê 19. xebityenî. Heta nika 2 hezar zafêr kitabî ameyî komkerdene.

MA DO SÛR RA DEST PÊ BIKERÊ

Koordînatora Komela Ciwanîye û Bedilîyayîşî Rezzan Çime bale ante ke  xeylî qicê bêkitabî estî û wina va: ‘‘ Hewceyê qican kibatanê neweyan esto. Ma do Sûr ra dest bi vilakerdişê kitaban bikerê. Ma hîna zaf heme ziwanan ra  kitabanê  sewîyeyê dibistene û wendegehê orte kom kenî. Her kes eşkeno kitabanê xo ma rê bişawo. Bi parekerdişî ma zafêr benî.

Kam ke wazeno kitaban bişawo eşkeno nê adresanê medyaya sosyalî ra bireso ci.

Hesabê Twitterî: @1kitap1hayat1

Hesabê Instagramî : 1kitap1hayattt

Adresê Mailî: [email protected]