Hetê Weşanxaneyê Nûbiharî ra kitabê Dengbêj Reşo û Dengbêj Şakiro yê ke bi nameyê Antolojîya Dengbêjan hetê Omer Guneş û Îbrahîm Şahînî ra ameyî hadrekerdene weşanîyayî.

Hadrekerdoxanê kitaban ard ziwan ke ê seba na xebata xeylî herêmanê Kurdistanî de kewtê dimayê kasetanê nê dengbêjan.

Avûkat Omer Guneşî vat hewna ke wendekarê unîversîte bîyo bê plankarîyêk arşîvêkê dengbêjan hadre kerdo û heta 2005 ê na xebate tenya bi serreyê xo kerda. Guneşî vat sere de amacê ci antolojîya dengbêjan ra vêşêr xebatêka edebîyatî bîye.

Guneşî vat seba ke verê destan de tayê berhemî çinêbî zehmetîyî antê, bi embazê xo Îbrahîmî reyde xo dayê xebata arêdayîşî ser. Derheqê kitaban de zî Guneşî vat ke înan ê kitabî bi metodê têvernayîşî hadre kerdê.