Komîteya Huner û Kulturî ya PKKyî derheqê şehadetê Bavê Teyarî de eşkerayîyêke daye. Eşkerayîye wina ya:

''Şorişê Têkoşînê Kurdîstanî destanê xoverdayîşî yê pîlî nuştî. Nika zî wina Tişrîn û Qereqoxaz de tarîx nusîyeno. Dewleta tirke ya îşalkere ancî xoverdayîşê şarê ma kena hedef û qirkerdişanê ke do vîrî ra nêşorê kena. 

Tewr peyên nobeta wayîrvejîyayîşê Awbendê Tişrînî de dewleta tirke hêrişê şarê sivîlî kerd û tîya de merdimê ma şehîd û birîndar bîyî. Nê şehîdan ra yew zî Bavê Teyar (Cuma Xelîl Îbrahîm) o. Ma sere de keyeyê ey rê pêro şarê Kurdîstanî rê serweşîye wazenê. O bi hunerê xo hetê pêro şarê Kurdîstanî ra ameyêne heskerdene. Ey pêro emrê xo dabî xebatanê kultur û hunerî. Bavê Teyaro ke zerrîya şarî de bîyo wayîrê cayêkî welatperwerêko raştikên, hunermendêko çêr û xoverdayoxêko pîl bi.

Bavê Teyar teqîbkerê tradîsyonê Hozan Sefkan û Hozan Mizgînan bi, embazê şehîdan bi. Şarê ma do fedakarî, xîret û xoverdayîşê Bvê Teyarî qetî xo vîr a nêkero. Ma zî şexsê ey de pêro şehîdanê Tişrîn û Qereqozaxî bi minet û rêzî yad kenê, ma soz danê ke bibê perwerê şehîdanê xo û armancanê înan bîyarê ca.

Sere de şarê Rojawanî û Sûrîye ma venga pêro şaranê Kurdîstanî û şarê ma yê teberê welatî danê ke vengê xo hîna berz bikerê, vejîyê waran û xoverdayîşî pîlêr bikerê. Êyê ke xo rê vanê hunermend, akademîsyen û roşnvîrî zî ganî her ca de aktîf bibê û mesuldarîyanê xo bîyarê ca.''