Hemsereka KCD’yî û parlamentera HDP'yî ya Colemêrgî Leyla Guvene seba wedaritişê tecrîdkerdişê Rayberê Şarê Kurdî Abdullah Ocalanî 92 rojî yo grevê vêşanîye de ya. Paştîdayîşî seba Leyla Guvene waranê neteweyîyan de her ke şonê zêde benê. Nafa zî bi deyîrêk paştîdayîş ci rê ame dayene. Zaf hunermendî ameyî têhet û deyîra “Leyla” vate.

Vateyê deyîrê hetê Fûat Kavî yo ke şahîdê rojeyê mergî yê 14'ê Temmuze 1984’î yê Hepisxaneyê Hûmara 5’ê Amedî yo, ra ameyî nuştene.

Hunermendê ke deyîra "Leyla" vate: Denîz Demane, Nîlgun Başozdeşe, Elenore Foûrnîaû, Leman Stehne, Baran Bozyel, Nûray Balike, Rûken Yilmaze, Binevş Roje, Bêrîvan Barcadûrmûşe, Gulîstan Moûsaye, Perwîn Alîye, Sevdar Moûsa, Xelîl Xemgîn, Ozan Seyîdxan, Ozan Comert, Ozan Emekçî, Ozan Serdar, Ferhat Tûnç, Ozan Dilovan, Hesen Şerîf, Necmeddîn Xulamî, Rotînda Yetkîner, Baran Tezkorkmaz, Cûma Soner û Dîyar Dêrsim.

Leyla Guvene hesabê xo yê medyaya sosyale ser o deyîre kerde pare û seba deyîre no peymanê sipasîye weşana: “Seba na deyîra hempara ke zaf hunermendan seba mi vata, yew bi yew sipsîya xo şima rê kena. Bi hêvîya ke demê haştîye de verê deyîranê keyfweşîye de ma do govende bigêrîme… Şima rind ke estê”