Kongreya Demokratîke ya Şaran (HDK) û Partîya Demokratîke ya Şaran (HDP)  Merkezê Hunerî û Operayî yê Leyla Gencere yo ke Bakirkoy de ca gêno de, seba şaîr û nuştoxê Kurdan Cegerxwînî yew şewa vîrardişî organîze kerde.

Hemsereka HDPyî Perwîn Buldane, verfekê HDKyî Onur Hamzaoğlu, hemserekê şaristanê Stenbolî yê HDPyî Esengul Demîre û Cengiz Çîçek, parlementero kan ê HDPyî Sirri Sureyya Onder zî tewrê na çalakîye bîyî.

Bername, bi dokumenterê numayîşê qismêkê cuya Cegerxwînî dest pêkerd. Peyê coy bi kayê muzîkalî yo bi tirkî û kurdkî yê ke merkezê Tîyatroyî yê Saye het ra amebi hadrekerdene dewam kerd.

Badê slayto ke seba vîrardişê Cegerxwînî amebi hadrekerdene bi tewrbîyayîşê şaîrê sey Ahmet Tellî, Hîcrî Îzgoren, Şukru Erbaş şîîrê Kurdkî û Tirkî wanîyayî.

Mektubê nuştoxa tewqîfbîyaya Rojbîn Perîşane ke seba şewa vîrardişê Cegerxwînî nuştibi wanîya. Peyama Rojbîn Perîşane ya ke bale ancena rolê Cegerxwînî yê edebîyatê kurdkî de wînî ya:

“Mamoste Cegerxwîn seba ma yew hozano muazzam bi. Teyna bi şîîranê xo nê, seba ma bi vindertişê xo yê cuye û bi musnayîşanê xo wextnêşinasnayox bi. Hetta yew hozano bawermend, hêvîdar, lejê xode dewamkar û wextvîyartox bi ke merdim nêeşkeno ey defîno seserra 20ine. Yo tewr muhîm zî veng dayêne ke ma xeyal bikerê. Bu yüzden onu tanımak ve anlamak belki de ulusal birliğini sağlamış Kürt halkının onuruyla içinde yer aldığı özgür ve eşit bir dünya hayalini paylaşmaktır. Coy ra ci ra famkerdiş û ey şinasnayîş  şarê Kurdî yo ke yewîya xo ya neteweyîye peyda kerda dir belkî zî parekerdişê xeyalê dinyayêka azad û seypêye yo. Cegerxwînî ra famkerdişo ke sey şîîrî manaya cuye nîşan dano nika herra rojawanî  de ke a mana kena girde û raşte de zerrî devistiş o.''