Fîlmê Commander Arian (Fermandare Aryane) serra 2018î de hetê îdarekare Alba Sotorra ra ame girewtene. Film de qala Xoverdayîşê Kobanê ra heta nika cuya Fermandare Aryane yena kerdene. Ziwanê fîlmî kurdkî ya û 7 ziwanan(îspanyolkî, katalankî, fransizkî, îtalyankî, almankî, îngîlîzkî û baskî) de binnuşteyê filmî estê. Îdarekara fîlmî Alba Sotorra nê rojanê Korona de sîteyê vimeoyî de fîlm seba seyrkerdoxan sey bêşîfre akerd.

Fîlm festîvalanê tewr serkewteyan ê dinya de amebi mojnayene û seba Anna Campbell amebi dîyarîkerdene. Şerwana enternasyonalîste Anna adara 2018î de xoverdayîşê Efrînî de şehîd bibî. Fîlm de dîmenê birindarbîyayîş û weşbîyayîşê Aryane yenê mojnayene. Fîlm de xoverdayîş û cuya Aryene zî yenê qalkerdene û fermnandarîya aye ya serra 2015î yena mojnayene.