Dem Demê Azadîye yo: Hunermendan dest pê çalakîye kerde

Kolektîfê hunermandanê kurdan ê ke Ewropa de yê xeylêk welatanê Ewropa de çalakîya hemleya ''Dem demê azadîye yo'' daye destpêkerdene. Startê çalakîye Zurîh de ame dayene.

Kolektîfê hunermandanê kurdan ê  Ewropa çarçewa hemleya ''Dem demê azadîye yo'' de çalakîye daye destpêkerdene. Hunermendan vizêr startê çalakîya xo bajarê Zuruhî yê Swîsre de da.

Eşkerayîye de nê ameyî vatene: ''Vera Rayberê Şarê Kurdî Abdulah Ocalanî polîtîkaya qirkerdişî yena rayraberdene. Ma sey hunermendan vera bêadeletîye û xirabîye hêrsbîyayeyê. Ma wazenê ke hêrsê xo sey pawitişê rinîye bîyarê ziwan. Nika vera kurdan û rayberê ci tewirê çîn hesibnayîşî yeno ramojnayene. Ma sey şarî tengayîya nê prosesê zorî vînenî û hîskenê.  Abdullah Ocalan 22 serrî yo yew hucre de yo. Rixmo ke CPT zî vat îşkence yeno kerdene zî çîyêk nêbedilya. No îşkence dewam keno. Seba ke no şer bêro vindarnayene, ganî binpaykerdişê heqan bêrê wedaritene û rayberê kurdan azad bo. Ma semedê hîsgêrîye, pawitişê hewanê merdiman, seypêyîye û edaletî veng danê û vanê ke tecrîd wa bêro wadaritene. Abdullah Ocalanî rê azadîye, şarê Kurdî rê statu.''

Çalakîya Zurîhî ke bi aletanê ciya cîyayan ê muzîkî û reqs ame kerdene de derehqê kampanya de vilawekî ameyî vilakerdene.

Bajaranê Hannover, Stuttgart, Essen, Hamburg, Kiel, Berlin, Bielefeld, Dusiburgî yê Almanya, bajaranê Zurih, Basel û Lozanî yê Swîsre û paytextê Fransa de zî do çalakîye bikerê. Reyna menga sibate de  do xebatê kolektîfî bêrê kerdene. 15ê sibate de tîyatroyê kuçeyan do bêrê kerdene. Heta 8ê adare do kuçeyan de performansê resîmanê ganîyan zî bêrê kerdene.