Dêrsim de aktîvîteyê hunerî yê ke hetê Platformê Gola Çetû ra yenê organîzekerdene vizêr serê sibayî dest pêkerdî û heta saetanê şanî yê ereyan dewam kerdî. Aktîvîteyan de kîşta aktîvîteyanê sey resim, muzîk, estanike de performanî ameyî pêşkêşkerdene. 

Aktîvîteyê ke 55 hunermendî tewrê ci benê ewro do qezaya Pêrtage de dewam bikerê. Aktîvîteyan de pêramotişê fotografan o ke tede kulturê her herême rê ca dîyayo û xêzkerdişê şahmarane eleqeyêko pîl dî. Kîşta nînan de estanikî ameyî qalkerdene, biroje muzîko klasîk, bişewe zî muzîko otantîk ame pêşkêşkerdene.

Endamê Platformê Gola Çetû Seher Kont Erdogane ard ziwan ke înan pîya bi grûbêka perwerdekaran dir qasê serrêk o amadekarîyê aktîvîteyan kerdê û xeylî bajaran ra înan rê paştî dîyaya. Erdogane vat ê wazenê ke Dêrsim de hunerî vejê vernî û giranîya nê aktîvîteyan muzîk o.