'Destana PKKyê' yo ke berhemê 7 serran ê Koma Awaza Çiya yo, 27ê teşrîna peyêne de do bêro weşanayene. 'Destana PKKyê' fîlmo muzîkal o û tede qala ronîyayîş û xoverdayîşî yena kerdene. Senaryoyê fîlmî hetê Şêro Hindê û Rêber Habashî ra nusîya û dîrektorîya ci zî hetê Elî Feqeyî ra ameye kerdene. Aranjorê fîlmî Mehmûd Berazî, mîksê ci zî Seyîd Riza Sîlbûsî kerd.

Hetkarê Dîrektorî Dîyar Hessoyî derheqê fîlmî de ANFyî rê qisey kerd.

Dîyar Hessoyî 'Destana PKKyê' sey ganîbîyayîşê kurdan pênase kerd û vat: ''PKK seba kurdan temsîlê xobîyayîş û serkewtişî yo. Seba fîlmî bi taybetî muzîkî zaf girîng bîyî. Kurdîstan de reya verêne muzîkal yeno kerdene. Reyna dîmenê dans û folklorî zî hetê girewtişî ra zehmet bîyî. Ganî mabênê muzîkî û kareografî de aheng est bîyêne.''

Hessoyî pê hesna ke fîlm dewa Susê ya Dêrikî de, herêma Koçeratî de û xeylêk qezayanê bînan ê Rojawanê Kurdîstanî de ameyo girewtene û tede keda bi hezaran kesan est a.

Dîyar Hessoyî ard ziwan ke înan waşt ke serra 50. ya rayraşîyayîşê 'Rayberîye' de muzîkalêko winayên bêro kerdene û vat: ''Têkoşînê Rayber Apoyî rayraşîyayîşêkê azadîye yo bêhempa yo. No rayraşîyayîş her ke şino beno pîlêr. No destanêko nemumkîn bi. Rayber Apoyî û PKKyî bi îradeyêkê pîlî no destan nuşt û Rojawanê Kurdîstanî de no destan aver şi, resa asta tewr pîle. Şaro ke verê mergî de bi gandar bi. No destan zî qala ney, qala ganîbîyayîşî keno.''

[album=18029]