Dewa Seterî ya qezaya Xolxolî ya Çewlîgî de Keyeyê Kulturî yê Elewîyan ame akerdene.

Akerdiş de Serekê Komeleya Paştdayîş û Komelkî ya Seterî Hasan Şahîn û Serekê Pêroyî yê Komeleyanê Elewîyan ê Demokratîkan (DAD) Musa Kuluyî qisey kerd.

Hasan Şahînî vat: ''Ewro ma tîya de paştdayîşêko rind tehm keno. No keye bi keda destek û ardimê şarê ma virazîya.''

Musa Kuluyî vat: ''Ma bawerî, kultur û tarîxê xo Erdê Dewrêşî de musayî. Bawerîya ma bi heman çimeyî ewnîyena pêro bawerî, ziwan û neteweyan ra. Kamî ke kede û paştî daye viraştişê nê keyeyî ez ci rê sipas kena.''

Qiseykerdişan ra dima loqmayî ameyî vilakerdene. Merasîmê akerdişî pê govendan qedîya.