Muzîsyeno kurd Murat Demîr bi metodêkê taybetî muzîk keno. Murat Demîr dewe bi dewe pêro şaristananê Kurdîstanî ra gêreno û deyîranê kahanan ê kurdan arê dano.

Demîr Colemêrg de dadîya xo ra bi û uca de bi pî. Demîrî xo sey bişinas hesibneno ke mîyanê muzîkî de bîyo pîl. Demîr ano ziwan ke kam beno wa bibo ganî her kes wayîrê kultur û hunerê xo vejîyo.

Demîr armancê xo wina pênase keno: ''Dej, serkewtiş, deyîr, estanikanê ma tesîrê mi kerd. Ez zî wazena înan rê xizmet bikera. Eke ez kultur, muzîkê kurdî rê tesîr bikera o çax bena serfîraz. Ez xo sey xizmetkarêkê kurdkî vînena. No vera asîmîlasyonî tewirê min o.''

Demîrî bale ante deyîranê kurdkî ser û vat: ''Ez bi giranî ê muzîsyenanê kurdan goştarî kena ke zaf nêşinasîyenê. Hema zî xeylêk awaz û deyîranê kudkî ser o tehlukeyê vînîbîyayîşî esto. Wayîrvejîyayîşê nê deyîran vera asîmîlasyonî vindertiş o. Ziwanê ma nasnameyê ma yo. ''

Demîrî pare kerd ke o nika amadekarîya albumêkê neweyî keno û dewe bi dewe gêreno, deyîranê neweyan keşîf keno.