Gerîlaya YJA-Starî Zîlane Cîlo ANFyî rê qisey kerd û serrgêra şehadetê ci de Hozane Mizgîne (Gurbete Aydin) yad kerde.

Gerîla Zîlane Cîlo vat: ''Gulane Menga Şehîdan a. Ez pêro şehîdanê ma bi rêzî yad kena. Manaya şehîdan seba ma zaf girîng a. Ma xeta şehîdan de têkoşîn û xoverdayîşê xo kenê. Teyna rojêke ney, her roje ma kenê ke armanc û hedefanê şehîdan bîyarê ca.

Mi embaze Hozane Mizgîne  tewr nêdîye. La vîrameyîşê aye mîyanê PKKyî de gandar o. Wexto ke mi derheqê cu û têkoşînê Hozane Mizgîne de nuşteyî wendî, vîrameyîşanê serê sey zaf tesîrê mi kerdbi. Tewirê embaze Mizgîne, temsîlkarîya ey a xeta cinîyan û têkoşînê aye zaf tesîrê mi kerd. Wexto ke ez deyîranê ey goşdarî kena ez xorinî û manaya vengê aye vînena, perwerîya aye ya bi PKK, Rayberîye û embazan hîs kena. Mi rê deyîrê embaze Mizgîne ruhê şorişî îfade kenê.''