Dezgeh û rêxistinanê ziwan, edebîyat û hunerê kurdkî derheqê serrgêra 100. ya ronîyayîşê Komara Tirkîya de eşkerayîyêka nuştekîye weşanaye.

Eşkerayîya bi sernameyê ''Komara Tirkîya 29ê teşrîna verêne de 100 serrîya xo temam kena'' wina ya:

''Rixmo ke Komara Tirkîya bi hemkarîya kurdan û şaranê bînan ronîyabî na raştîye tim ameye înkaerdene û nasnameyê kurdî çin hesibîya, kurdan rê tirkayatîye ameye ferzkerdene. Şarê kurdî ronîyayîşê dewleta tirke ra nata raştê polîtîkayanê asîmîlasyon û çinhesibîyayîşî yeno. La rixmo ney zî seba ziwan û kulturê xo kurdî tim têkoşîn kenê. Kurdî wazenê ka wa ziwanê kurdkî bibo ziwanêko fermî û ziwanê perwerdeyî. Seserra diyîne de şarê kurdî do polîtîkayanê înkar û îmha ancî qebul nêkenê. Waştişê ma no yo ke 'wa ziwanê kurdkî bibo ziwano fermî.' Coka ma wazenê ka wa madeya 42. ya Qanûnê Bingeyîy bivurîya, yan zî bi temamî wedarîya û selahîyetdarê tirkî goreyê madeyanê 17-27. û 30. yê Neteweyanê Yewbîyayeyan têbigêrê.''

Nê dezgeh û rêxistinan morê xo da binê eşkerayîye:

* Enstîtûya Kurdî ya Amedê

* Enstîtûya Kurdî ya Stenbolê

* Kovara Çand, Ziman, Folklor û Hunerî Destar (Destar)

* Komeleya Wêjekarên Kurd

* Komeleya Lêkolînên Çand û Ziman a Arî (Arî Der)

* Komeleya Lêkolînên Çand û Ziman a Mezopotamyayê (Med Der)

* Komeleya Lêkolînên Kurdî

* Komeleya Lêkolînên Çand û Ziman a Avestayê (Avesta Der)

* Komeleya Lêkolîn Çand, Ziman û Hunerê ya Ankayê (Anka Der)

* Komeleya Lêkolînên Çand û Ziman a Feratê (Ferat Der)

* Komeleya Lêkolînên Çand û Ziman a Birca Belek

* Komeleya Lêkolînên Çand û Ziman a Botanê (Botan Der) 

* Komeleya Lêkolînên Çand û Ziman a Arsîsayê (Arsîsa Der)