Hozanê Kurdî Dîyar û Emekçîyî serê grevê vêşanîye û rojeyê mergî klîbêk amade kerd û vat, înan waşt hetê cepheyê xo ra bibê beşêkê nê xoverdayîşî û vengdayîş bi her kesî kerd ke wa paştdayîş bidê nê xoverdayîşî.

Hozan Dîyar û Hozan Emekçîyî bi klîbê xo bale ancenê serê grevê vêşanîye û rojeyê mergî. Vate û muzîkê deyîre yê Hozan Dîyar ê. Nameyê klîbî zî Canlar Semahi yo. Hozan Dîyarî vat, “O yo ke ewro qewimîyeno Semahê Canan o. Coka ganî heme Elewîyî tewrê na semahî bibê.” Hozan Dîyarî da zanayene ke ganî heme cimat bibo parçayêk xoverdayîşî û vat, “Faşîzm bi nê hawayî encax werte ra yeno wedarnayene.”

Hozan Emekçîyî zî da zanayene, bêvengîya vera tecrîdkerdişê Ocalanî yena manaya rûmetanê merdimîye ra durîkewşî û vat, “Sere de cinî û ciwanî, cimatê Elewîyan ganî merdimanê ke seba ameyoxê ma bedenê xo dayê verê merdişî teyna ca nêverdê. Ganî tewrê nê têkoşînî bibê.”