Bi nameyê ‘Efsanaya Qiralê Bexûdî‘ (Çîrkîn Kral Efsanesî) cuyaya Yilmaz Guneyî ser fîlmêko belgekî amo viraştene. Filmo ke rejîsorê ci Huseyîn Tabakî kerdo, 11ê teşrîna verêne de Almanya de do bêro nawîyayene.
Viraştişê fîlmo belgekî ‘Efsanaya Qiralê Bexûdî‘ ke 7 serrî cuwa ver dest pêkerd, merdiman û embazanê ci ra 47 kesan de roportajî ameyî kerdene.
Filmo ke derheqê cuyaya zehmetin yê Guneyî de zanayîşanê xorin geno dest, rejîsorê ci Huseyîn Topakî, viraştoxê ci zî Mehmet Aktaşî kerdo.
Filmê de dîmenê Guneyî ke hema nêame weşanayene ê zî ca genî û sînemakarê namdarî sey Michael Haneke û Costa Gavrasî derheqê Guneyî de fikre xo ane ziwan.
‘Efsanaya Qiralê Bexûdî‘ ke par Toronto de promîyerê dinya kerd, nika ra cîya-cîya festîvalanê mîyanneteweyîdî xelatî girewtî.
‘Efsanaya Qiralê Bexûdî‘ 11ê êlula ra xeylê bajaranê Almanya de do bêro nawîyayene. Promîyerê filmî 11ê teşrîna verêne de roja pancşenê sînemaya Filmforum im Museum Ludwig yê Kolnî de do bêro viraştene. Reyna Hamburg de zî 12ê teşrîna verêne de roja îne seate 18.45 de sînemaya Metropolisî de promîyêrk do bêro viraştene.
Derheqê ramojnayîşê fîlmî de nê hesabanê internet û sosyal medya ra kes eşkeno zanayîş bigero.
