Nuştox Elî Kerîmîyo ke Rojhelatê Kurdîstanî ra yo, kitabê xo yê "Sinûrên Jêr Pê Xirawekan" weşanxaneyê Xezal Newsî ra vet.

Elî Kerîmî kitab de qala cuya pêşmergeyan, têkoşînê sîyasî, xîyanetê PDKyî yê wextê 'Qiyade Moqete' (Îdareyê Demkî) û têkoşînê Rojhelatê Kurdîstanî keno.

PDK 1976 de hetê Îdrîz Barzanîyî ra teslîmê îdareyêkê demkîyî ame kerdene û na rewşe heta 1984î dewam kerd. No çax PDKyî Humeynîyî reyde binkerdişê serewedaritişê Rojhelatê Kurdîstanî de cagirewt. 

Kerîmîyî da zanayene ke wexto ke ey pêşmergetîye kerdêne PDKyî îxanetê Rojhelatê Kurdîstanî kerdo û vat: ''PDKyî hêzanê Îranî reyde hêrişê şarê Rojhelat û hêzanê kurdan kerd. Mi kitab de qala ê roja kerde. Wextê Qiyade Moqete de şaristananê Dizlî û Şînoyî destê hêzanê kurdan de bîyî. PDKyî nê şaristanî destê kurdan ra girewtî û teslîmê Îranî kerdî. Tay kesan pê pereyan kitabî vetî û no serebût pê zûran nimit. Kesê ke o serebût dî ganî qala ê rojan bikerê ke şar raştîyan bizano.''