Romanê 'Şivanê Kurmanca' yê Erebê Şemoyî romano kurdkî yo verên o û Sovyetan de çap bîyo. Roman ame açarnayene bi tirkî.

Wexto ke Erebê Şemoyî numûneyê 'Şivanê Kurmanca' da nuştoxê namdarî Maksîm Gorkî, Gorkî vano 'Şarê kurdî bi ziwanê Erebê Şemoyî qisey keno.' Gorkî vano ke kedkarê kurdê ke madenan de xebitîyenê bi heman ziwanî qisey kenê. Gorkî kurdkî sey ziwanê kedkaran ercneno.

Erebê Şemo dewa Sûsizî ya Dîgorî ya Qersî de dadîya xo ra beno. Şemo Armenîstanê Soyetan de romanê 'Şivana Kurmanca' nuseno.

Romanê Erebê Şemoyî verî di reyî açarîya tirkî ser. Nika zî açarnayox Ozkan Oztaşî roman açarna tirkî ser û romanê bi tirkî Weşananê Yazilama ra do vejîyo. Ozkan Oztaşî derheqê romanî de ajansê ma rê qisey kerd.

Oztaşî ard ziwan ke înan xebata arêdayîşê berhemanê kurdî uê Yewîya Sovyetan daye destpêkerdene û vat: ''Ma dî ke Sovyetan de xeylêk xebatê kurdkî ameyî kerdene ke Şivana Kurmanca zî nînan ra yo. Roman verî 1977 de açarîya tirkî ser, dima 1978 de newe ra açarîya. Ma xebata xo de nusxaya verêne ya 1935î referans kerde. Ereb Şemoyî bi xo fransizkî, azerîkî, gurcîkî, almankî, armenkî, rûskî, tirkî û erebkî zanayêne. O Leningrade de beşê Kurdolojî de doçent zî bi û ey kitabanê xo de qala kurdan kerdêne.

Roşnvîr û nuştoxê ê çaxî semedê tecrubeyê xo yê ê çaxî vanê 'Ronesansê Kurdan.' Xebat û berhemanê Şemoyî xeylêk tesîrê Yewîya Sovyetan kerd. ''