Festîvala Kulturî û Xoza ya Serhedî ya 1’ine ke hetê Şaredarîya Qersî ra yena organîzekerdene dest pêkerde. Saetanê sibayî de vernîya Şaredarîya Qersî de bi seyan kesî seba rayraşîyayîşê festîvale ameyî têhet. Hemserekê Şaredarîye Şevîn Alaca, Ayhan Bîlgen û ekîpê folklorî yê Kurd, Tirk, Çerkez, Kafkas û Tirkmenan û yê erbaneyî tewrê ci bîyî. Rayraşîyayîşê festîvale de ke her kes bi cilanê xo yê cayîyan tewrê ci bi pîya bi cenitişê zurna, tulum û pirodayîşê def û erbaneyan govendê şarî ameyî pêşkêşkerdene. Dima ra xeylî kesê ke bi pankart û muzîkî kewtî rayraşîyayîşî ver bi merkezî şîyî. Rayraşîyayîşo ke agêra cumbuşê rengênî Dêzê Qersî de qedîya.

 ‘Ma do Festîvale Bikerê Mîyanneteweyîye’

Hemsereke Şevîn Alacaya ke tîya qiseykerdişêkê kilmekî kerd, veng da her kesî ke tewrê heme aktîvîteyan bibê. Dima ra Ayhan Bîlgenî qisey kerd û vat ê do seba dayîşnaskerdişê Qersî na aktîvîte açarnê festîvalêka mîyanneteweyîye. Bîlgenî vat, “Ma do bi ruhê amatorî û bi heyecanî virazê. Ma do nê di rojan de kemasîyanê xo bivînê û menganê zimistanî de festîvalanê sînema û kayanê zimistanî zî organize bikerê.”

 Festîvale dimayê nîmrojî ra do bi konser û tayê aktîvîteyanê bînan heta saetanê ereyî yê şewe dewam bikero.