Komîteya Kulturî ya Herêma Cizîre do emser Festîvala Edebîyat û Hunerî ya Cinîyan bi şîarê 'Cinîyî ruhê kulturan kenê newe' 1-2ê adare de bikera. Pêro parçeyan ra cinîyî tewrê na festîvale benê.

Mudirîya Kultur û Hunerî, Têgêrayîşê Kevana Zêrîne û Komîteya Edebîyatî şertê beşdarîya festîvale eşkera kerdî. Festîvale do beşanê şîîre, hîkaye, xoşebera edebî, tîyatro, statu û resimî ra berhemî do bêrê pêşkêşkerdene.

Festîvale de karê destî û kincê kulturelî zî do bêrê mojnayene. Reyna ekîpê govend, tîyatro û kayî zî do beşdarê festîvale bibê.

Hemsereka Mudirîya Huner û Kulturî ya Herêma Cizîre û Endama Komîteya Amadekarîya Festîvale Suade Hisên pare kerd ke emser muracatê beşdarîye zêde yê. Suade ard ziwan ke serranê bînan de cinîyî tersayêne eseranê xo pêşkêş bikerê.

Suade vat: ''Ma armanc kenê ke cinîyan aver berê. Ma her beşê edebî de 3 dîyarîyan bidê. Seba gureyê destî, statu û resimî zî dayîrî bêra dayene.''