Na festîvala fîlman her serre hetê Merkezê Kulturî yê Kirkayakî ra yena viraştene. Festîvale do 5 rojî dewam bikero û 48 fîlmê ke musabeqeyanê fîlman ê mîyan-neteweyîyan de xelatî girewtê do salonanê sînema yê Forum AVM Cinemaximum de bêrê ramotene.

AMAC VIRAŞTIŞÊ PÊAMEYÎŞÎ YO

 Kîşta fîlmanê mîyan-neteweyîyan ê bi metrajê dergan de sînemaya Almanan ra zî fîlmî, belgefîlmî û fîlmê kilmî ramojîyê temaşekaran. Amacê Merkezî no yo ke hem multecîyê sûrîyeyijî hem zî dîlokijî heman salone de fîlman pîya temaşe bikerê û fam bikerê. 

Çend fîlmê ke do çarçiwaya festîvale de bêrê ramotene „Dara Şekoke“ yê Nurî Bîlge Ceylanî, „Perperikî“ yê Tolga Karaçelîkî, „Hewno Bêreng“ yê Mehmet Alî Konarî û „Hîrê Cuyî“ yê Jafar Panahîyî yê.

Çarçiwaya festîvale de seva Ingmar Bergmano ke sînemaya dinya de sey dîrektorêko tewr serkewte yeno zanayene zî bi xatirê 100 serrîya ci vîjnayîyêka taybete bibo.