Festîvala Fîlmanê Kurdan a Berlinî dest pêkerde
Festîvala Fîlmanê Kurdan a Berlinî ya 12. bi mojnayîşê fîlmê Nachbarnî dest pêkerde.
Festîvala Fîlmanê Kurdan a Berlinî ya 12. a ke çar parçeyanê Kurdîstanî û dinya ra sînemagerê kurdî tewrê ci bîyê, perey dest pêkerde.
Festîvale emser giranîye dana Rojawanê Kurdîstanî ser.
Çarçewa festîvale de fîlmê 'Nachbarnî' sînemaya Babylonî de ame mojnayene û dîrektorê fîlmî Mano Khalîlî zî dima cewab da persanê seyrkerdoxan. Khalîlî seyrkerdoxan rê seba eleqeyê înan sipas kerd.
Fîlmo ke qala erdê Kurdîstanî keno giranîye dano Rojawanî ser, rewşa Rojawanî keno ke hetê hukmatê Şamî ra gêrîyeno binê ablûqa û binê îşxalê dewleta tirke de yo. Festîvale de seba şermezarkerdişê kiştişê Jîna Emînî fotografêkê ci yo pîl ame daliqnayene.
Festîvala Fîlmanê Kurdan a Berlinî do heta 19ê teşrîna verêne dewam bikera.
