Festîvala Gêroke ya Fîlman a Fîlmmor a Cinîyan a 17’ine ya ke hetê Kooperatîfê Cinîyan ê Fîlmmorî ra yena organîzekerdene û hetê Kolektîfê Keda Cinîyan ê Mersînî ra zî paştî dîyena ci Merkezê Kulturî yê Ataturkî yê Şaredarîya Yenîşehîr a Mersînî de resa temaşekaran.

Fîlmê bi nameyê Sandelye Kapmaca, Guven, Mazî, Ursela K. le Guîn Dunyaları, Prenses Model, Demîr Leydî, Kutlama, Zig Zag, Sokaklar Bîzîm, Saîm Ruyasi, Kornea îkîlîsî, Bîrî Şarki Soyluyor Dîgerî Soylemîyor heskerdoxanê hunerî rê ameyî pêşkêşkerdene. Zeynep Kayaya ke tewrê aktîvîte bîye vat, “No organîzasyon 4 reyî Mersîn de ame kerdene. Ez tena tewrê 3 heban bîya. Di rojî temaşekerdişê fîlmanê ke qalê problemanê cinîyan kenê ez kêfweş kerda. Nê fîlmî agêrayîşanê derûnîyan rê benê sebeb û bi nê hawayî a kese xo cipersena. Fîlmê winayênî benê sebeb ke cinî xo, dormeyê xo û têkilîyanê xo yê sosyalan ciperso. Ma ziwanê fîlmanê xerîban fam nêkerê zî m abi kerdişê empatî firsend vînenê ke fikrê bingeyênî fam bikerê. Ganî îdareyê ma yê cayîyî na xebata manîdare rê wayîr vejîyê. Paştî bidê xebatanê winayênan ke cinîyî hîna zaf bieşkê temaşe bikerê.”