Sey pêro komelan komelê êzidîyan zî wayîrê noqtayêka destpêke yo û no zî tewafê tîje yo. Festîvala Kultur û Hunerî ya Şingalî ya 1. binê Koyê Çilmêra de bi rîtuelê selamkerdişê tîje dest pêkerde.

Êzidîyî serê sibayî rew pê kincanê xo yê sipîyan dormeyê Qubê fîrazî de ameyî pêser û duayê tîje kerdî. Festîvale bi nê hawayî pê dûaya tîje dest pêkerde. Dûayan de azadîya şarê kurdî, azadîya Rayberê Şarê Kurdî Abdullah Ocalanî û serkewtişê gerîlayan ameyî waştene.

Duayan ra dima şarî govende girewte. Govende seba êzidîyan rîtuelêka dînî ya. Wextê govende êzidîyî linganê xo erdî ra berz nêkenê. Govende ra dima zî denbêjan kilamê xo vatî.

Dima şarî pîya Merkezê Kultur û Hunerî yê Serdeştî de arayî kerde.

Festîvala Kultur û Hunerî ya Şingalî do hîrê rojan bi aktîvîteyanê cîya-cîyayan dewam bikera.