Festîvala Kultur û Xoza ya Depe 10-11ê tebaxe de, bi şîarê ''Xespê îradeyî yo ewroyîn, talanê xoza yo vizêrîn o'' do bêra kerdene. 

Festîvale de Hemşaredarê Depe Songule Duzgun û Cafer Ogur, Hemserekê DBPyî Keskîn Bayindir û sîyasetmedare Gultane Kişanak do qisey bikerê.

Çarçewa festîvale de panelê serê Jineolojî û qirkerdişê kulturelî û konserî do bêrê dayene.

Panelê Jineolojî 10ê tebaxe de do bêro kerdene û tîya de edîtora Kovara Jineolojî Rojda Yildiz û Wekîla DEM Partî ya Mûşî Sumeyye Boz do qisey bikerê.

11ê tebaxe de panelê Qirkerdişê Kulturelî do bêro kerdene. Tîya de Hemserekê DADî Zeynel Kete û cigêrayox Ozcan Ateş  do qisey bikerê.

Festîvale de hunermendî Mîkaîl Aslan, Sipan Xelat, Sevîn, Baran Bozyel û komê muzîkî Babetna, Koma Hevra, Jinê Kayy-Derî do vejîyê serê sehne.