Festîvala Kulturê Kurdan a Parisî de vizêr pêramotişê resiman ê bi nameyê 'Dayîke û Koçî' yê Serdar Mutluyî dewam kerd. Pêramotiş bînaya Şaredarîya 10. ya Parisî de bi. Pêramotişî xeylêk bale ante.

Sereka Şaredarîya Parisî ya 10. Alexandra Cordebard û Endama Meclîsê Kulturî yê Şaredarîya Parisî Laurence Patirce û selahîyetdarê şaredarîye tewrê pêramotişî bîyî.

Verî Alexandra Cordebard qisey kerd û pare kerd ke herême de ê tim kurdan de eleqedar ê û vat: ''Ma meseleya kurdan nêzdî ra teqîb kenê. No ca keyeyê şima yo. Ma sereberz ê ke şima pêşwazî kenê.''

Serdar Mutluyî zî bale ante eleqeyê seba festîvale ser û ard ziwan ke girîng o ke o karê xo bi rayîrê festîvale resneno Parisî. Mutluyî vat: ''Pêramotiş de xo kêfweş bikerê.''

Festîvale ewro do bi kayê Jiyana Nû ya Beru Teatra dewam bikera. Kay 1 Place de la Liberation 93150 Le Blanc Mesnilê saete  19:00 de do bêro mojnayene.