Mîyanê 11 belgefîlman ra belgefîlma ‘Dîl Leyla’ bîye yewine û serekê jurîyî Manuel Sanchezî belgefîlme ser o va ‘Xelate dîyaye fîlma ke hîkayeya têkoşînê Hemsereka Şaredarîya Cizîrî Leyla Îmrete ke vera dîktatorî, şertê zorî û warê polîtîkî de nîşan dayo esas girewto’.

Sanchezî dîyar kerd ke vera zextan de têkoşîn dayene, meseleyêka aktuele ya û kesê ke warê sînemayî de xebetîyenî vera nê têkoşînî de nêşênî bêveng bimanî û wina domna: “No lej têkoşînê herkesî yo.”

Sanchezî da zanayene ke ê do sewbîna cayan de zî belgefîlma ‘Dîl Leyla’ binawnî û wina dewam kerd: “Seba ke destûr dîyeno dîktatorê sey Erdoganî Ewropa de qisey bikerî, ez şerm kena û Fransa zî yena na kaye.”

Fîlmê bi nameyê ‘Zentralflughafen-THF’ ya Karîm Aînuzî ke şertê cuya bextwaştoxê ke Berlîn de cuyenî, kerdo babete û fîlmê bi nameyê ‘Serra Meymunî’ yê Vladîmîr Blazevskîyî ke henekê xo bi komelê ke populîzm û nîjadperestîye keno zî xelate girewtî. Festîvala Fîlman ya Nancyî de 51 welatan ra 156 fîlmî ameyî nîşan dayene û festîvale mabênê 24ê Tebaxe û 1ê Êlule de ameybî viraştene. Filmê kurdî yê bîn bi nameyê ‘keyeyo bêban’ ke derhênerîya Soleen Yusefî de amebî antene bi.