Festîvala Fîlman a Heqanê Merdiman a Luganoyî (Swîsre) de fîlmê 'Gava Şitil Mezin Dibin' xelata fîlmê tewr weşî girewte.

Jûrîya festîvale da zanayene ke Fîlmê 'Gava Şitil Mezin Dibin' mîyanê bêîmkanîyan de gan dayo hîkayeyêka bitesîre.

Merasîmê xelatdayîşî roja şemeyî ame kerdene. Dîrektorê fîlmî Rêger Azad Kayayî nêeşka tewrê merasîmî bibo la mesajêk şawit merasîmî. Kayayî merasîm de vat: ''Ma na xelate dîyarîya qurbananê sivîlan ê şerî kenê. Bi taybetî wextê peyênî de dewleta tirke Rojawan de xeylêk sivîlî qetil kerdî.''

Fîlmê 'Gava Şitil Mezin Dibin' Festîvala Fîlman a Mîyanneteweyîye ya Bangkokî ra zî xelata 'fîlmê tewr weşî' girewte.