Fîlmê kirdkî 'Govenda Alî û Zîn' 8ê temmuze de 40. Festîvala Fîlman a Îstanbulî de promîyerê (mojnayîşo verên) xo yê dinya do bikero. Dîrektorê fîlmî Mehmet Alî Konar o.

Fîlm qala têkilîya dadîye û lajekî kena. Fîlme de Suat Usta, Korkmaz Arslan, Maryame Boubanî, Dîman Zandî, Fatoşe Stêrk kay kenê. Fîlm Çewlîg de ame girewtene û fîlm de kirkî ra ber kirdaskî û sorankî zî ca gênê.

Dîrektorê fîlmî Mehmet Alî Konarî dîrektorê fîlmê 'Hewno Bêreng' zî bi ke fîlm xeylêk festîvalanê Kurdîstan, Tirkîya û dinya de xeletî girewtbîyî. 

Fîlm çarçewa Festîvala Fîlman a Îstanbulî de roja pancşemeyî saete 21.00 de, Maximum Uniq Açikhava de do bêro mojnayene. 

Kesê ke wazenê fîlmî seyr bikerê eşkenê nê tîya ra bîletan bigêrê.