Hunermandanê kurdan Bajarê Heilbronnî yê Almanya de binê serna eyê ‚'vera îşxal û qirkerdişî têkoşîno kulturkî' de konferansê kulturê kurdan ê Bayer û Baden-Wurtembergî viraşt.

Konferanso ke  Merkezê Komelê Kurdanê Demokratîkan ame viraştene, eyaletî ra xeylêk hunermendî tewrê ci bîyî. Hunermendanê TEV-ÇANDî ra  Hozan Temeli, Hasan Saglam, Hûnermend Seyîdxan, Cewat Merwanî, Amele û Hozan Comertî zî konferans de cayê xo girewt.

Akerdişê konferansî de hunermendan ra Amele ard vîrî ke vera asîmîlasyonê serê ziwan û kulturê kurdan bi hezaran ciwananê kurdan ganê xo dayo û şehîdî bihurmet ardî vîrî.

Badê rêzgirewtişê semedê şehîdan, konferans bi munaqeşeyan dewam kerd.