Merkezê Huner û Kulturê Dîcle yê Dêrîkî seba ke kulturê herême xurt bikero û vera tasîmîlasyonî bisevekno dewa Siwêdîye ya ke giredayîya herêma Koçeratî ya de Keyeyê Kulturî kerd a.

Merasîmê akerdişî de Hemserekê Meclîsê Dêrikî Mihemed Ebdulrehimî qiseykerdişêk kerd û akerdişê Keyeyî pîroz kerd û vat, “Abîyayîşê Keyeyê Kulturî nîşanê ma dayo ke şarê ma girêdayîyê kulturê xo yo.” Ehmedî wina dewam kerd, “Ma senî ke hetê sîyasî û eskerî ra destkewteyê girdî qezenc kerdî, hetê kulturî ra zî ma gamê girdî eştî. Ma soz danîme ke ma na xete ser o xebatanê xo hîna kenîme zêde.”

Dimayê qiseykerdişan, berê Keyeyê Kulturî hetê mayanê şehîdan ra ame akerdene. Peynîya aktîvîte de grubê şano û deyîre Kulîlkên Koçerat û Beraîm Koçeratî vejîyayî sehneyî.

Aktîvîte bi govendanê ke deyîran reyde ameyî kaykerdene qedîyaye.