Rixmê qerarê Dadgeha îdarî ya berze de ewro zî qezaya Hesenkeyfî de xebatê kiriştişê  mekananê tarîxîyan dewam kerdî.

Daîreya 13. ya Dadgeha îdarî ya berze îhaleya xebatanê kiriştişî yê Hesenkeyfî ke tarîxê ci reseno 12 hezar serrî verî îptal kerde, Wezaretê Kultur û Tûrîzmî zî qerarî ra dima derheqê îhaleye de tehqîqat da dest pêkerdene.

Sîyê mînareya Camîya Sultan Suleymanî cayê xo ra ameyî wekerdene, seba kiriştişê Camîya Koçî (Camîya Kizlar) zî vînçê girdî arîyayî qeza.

Heman wextî de seba kiriştişê dîreganê elektrîkî zî elektrîkê tayê keyeyan ame birnayene, rîyê birîyayîşê elektrîkî ra şarî reaksîyon ramot. Şarî vat heta Kesenkeyfo newe nêro viraştene ê do keyeyanê xo terk nêkerê.

Ame zanayene ke dimayê qerarê Dadgeha îdarî ya berze ra xebatê kiriştişî yê Hesenkeyfî hîna bî lez.