Paytextê Belçîka Bruksel de Hewteyê Kulturê Kurdan dest pêkerd. Hewteyê Kulturê Kurdan hetê NAV-BEL û rêxistinanê asûrî, armenî, êzidî û keldanîyan ra yeno serûberkerdene.

Şayîye de qala waştişanê neteweyîyan ê kurdan ameye kerdene û muzîk, werdî û folklerê kurdan dîyayî şinasnayene.

Wekîlê Brukselî Gil Wsraten zî tewrê şayîye bi. Wsratenî dîyar kerd ke ê têkoşînê kurdan rê hûrmet kenê û vat: ''Kurdî welatê ma de erj û kulturê xo danê ciwîyayene û pê ney keyfê ma yeno. Kurdî hem seba xo hem zî seba heqanê merdiman û demokrasî têkoşîn kenê.''

Şayîye de derheqê têkoşînê azadîye de fîlmêk do bêr mojnayene û hunermendê kurdî zî konser bidê.