Di serran ra zafêr o ke ez na deyîrê goştarî kena. Tim verî zerrîya mi bena tenge. Mi gena bena dûran. Peyê ê dejî de hêvîyêke bena berze û binateyê cuya mi de ca gena.

Ez qala deyîrêke kena ke… çi wext goşrarî kena mi bena dinya û hîsanê cîya cîyayan. Coka mi tim hîkayeya na deyîre meraq kerde.

Seba ke ez na hîkaye bimusî û binusî, ez kewta peyê viratoxanê deyîre Şêro Hindê û Mehmûd Berazîyî. Tewr peynî de rayîrê mi reyna kewt Rojawan û karê min o verên vînayîşê Şêro Hindê bi. Gama ke ê qala deyîre kerd hem zerrîya biye teng hem zî hêvîya mi zêdîyaye:

''Rojawan de di ciwanê ma yewbînan ra hes kenê. Nêwazenê nameyê înan û bajaranê înan vajê. Bi hayîdarîya keyeyanê xo ya zî bêhayîdar dest pê pêvînayîşan kenê û benê waştîye yewbînan. La zerrîya wirdan de zî têkoşînê gerîlayan ê koyanê Kurdîstanî esto. Pîya qerar genê û tewrê gerîlayan benê.

Bado ke perwerdeyê şervananê neweyan vînenê şawîyenê cayanê cîya cîyayan. Çew/e heskerdişê înan ferq nêkeno. Zaf giran têgêrenê hende heskerdişê yewbînan, heskerdişê welatî zî zerrîya înan de yo.

Biseren yew bînan nêvînenê. Mîyanê pêrodayîşê welatî de yewbînan zêrrîya xo de niminenê û wina çalakî û wezîfeyan de ca genê…

Çend serrî dima ra hinî nîmeyê şew ya zî binateyê rojêka germine de gama ke cayêkê koyan ra ravêrenê cayê bînî vera yewbînan benê. Bado ke kilm qisey kenê rayîrê xo rê dewam kenê.  La no demo kilm de zerrîya înan reyna semedê yewbînan û welatî gîrîyena.

Gama ke Şorişê Rojawanî beno gerîlaya cinî seba ke warê şorişî de ca bîgiro agêrena herra xo ke tede ameya dinya û pîle bîya. Dima ra gerîlayo camêrd zî semedê wezîfeyê xo yê newîyî agêreno herra xo ya ke bi şorişî rindêr bîya. La heta ke o yeno gerîlaya cinî şerê vera DAÎŞî de şehîde bena. Coka ê hînî yewbînan nêvînenî. Naye ser o embazê ci cayanê ke a tede mende ra gêreno ke reçê aye bivîno. Cayanê ke aye tede şer kerdo de şer keno. Şingal, Kobanê û Girî Sipî… Hema zî nê cayan ra cayêk de tekoşîn keno.''

Şêro Hindê ard ziwan ke gerîlayan de hîkayeyê winayên zafê û wina qala viraştişê deyîre kerde:

''Hela ke ma hîkaye eşnawit, ma vat ganî sey deyîreke ya zî xebetêka bîne ma bidê eşnawitene. Ma na deyîrê sey mesajê gerîlaya cinîye yê semedê waştî û welatê ci nuşte. Deyîre de heskerdişê di merdiman û welatî senî pabesteyê yewbînan o û senî yewbînan keno weye û pîl keno, qala ci yena kerdene. Deyîre de yeno vatene. Ez gêraya, ameya Rojawan. Arêyê destî yê derdan de mi xo dî. Mi herra şorişî xo rê kerd mesken, mi tîya xo rê halîn viraşt. Nê vatişî fekê gerîlaya şehîde ra vejîyene… Babetêka zaf hesas a. Dej, vîr û nê wirdan zafêr hêvî esta. Ma wina viraşte. Aye ra ma nameyê Nivişta Gerîla (Nuşteyê Gerîlayî) napa…''

Deyîra ke Şêro Hindê nuşte, Mehmûd Berazî muzîkê ci viraşt û Şehrîbane Guneş, Xalîd Dêrik û Hacî Mûsayî pê vengê xo temam kerde vateyê ci wîna yê:

Nivişta Gerîla

Nav çiya û zinaran

Pey dilê kovî mame

Bûm bi bask (û) firîyam tevlî xeyalan

Deşta dûr pir dûr e

Li Rojava destara derdan e

Hêviya min dîtinek bû

Ji vê refê neqetiyam (û) tevlî wê firîyam

Wek(î) koçeran gerîyam (di) bin baranê de

Henasê(hilmê) min bi vedeng e

Gava min bê deng e

Mêwa giyanê min lal e

Siwar hatin ji zozanan

Girtin serkêşiya dîlanan

Desmala rengîn

Destana mijê û baranê

Dodmaman xwe hilba kirin

Pismaman çok nîvçok kirin

Desmal dane destê xalana

Pûkê û leylanê

Rê kor e û pir sar e

Heyv(hîv) li jora mat maye

Stêrk ji çavan rijyan lê ez mam

Hespê boz dijene

Ber bi jora jor ve

Ji nav ewrên giyanan de dinhêre

Destê min ji te nabe

Lê pir, pir dereng e

Ji te re malekî ji kevrokan ava dikim

Derîyê wê (ji) şilêr be

Banê wê (ji) morîk be

Çira wê pêjna te.