Kîtabê Denîz Bîlgîne ke têkoşînê Kobanê ser o ameyo nuştene, bi nameyê 'Şilîya Hewran/ Sîperanê Kobanê ra hîkayeyê têkoşînî' (Bulut Yagmuru /Kobanê Sîperlerînde dîrenîş hîkayelerî) vejîya. Kîtabo ke amadekarîya ci rojnameyê Newaya Jinî kerdo, hetê Weşanxaneyê Mezopotamya ra weşanîya.

Kitab de pêroyê hîkayeyî qewimyayîşanê raştî ra girîyayî. Kitab 2 beşan ra pê yeno. Beşo yewin de destpêkê têkoşînê Kobanê girîyeno dest û beşo dîyin de zî têkoşînê 134 rojanê merkezî yê Kobanê ra her roje ser o hîkayeyêk esta.

Denîz Bîlgîne dîyar kerde ke aye yê ke têkoşîn de ca guretî, roportajê înan, notê ke cayê şerî de girîyayî, xeberê ke televîzyon, ajans û rojnameyan de vejîyayî, dîmenî, nuşteyî, belgefîlm, arşîvê bajarî ya pîya xeylê meteryalî semedê nê kîtabî esas guretî.

BAJARO KE BI TÊKOŞÎNÊ XO DINYA XO DE CA KERD: KOBANÊ

Bîlgîne bi hawayo kilm kitabê xo wina dana naskerdene: "Yew bajaro qijo ke heme dinya tede têkoşînê ci de ca bî. DAÎŞ o ke şarê Rojhelatê Mîyanênî rê bi bela, senî ke merdiman ci ra zirar dî, dare, awe, têr-tûrî zî ci ra zirar dîyî. Şar û tebîetê Kurdîstanî vera nê wehşetî de xover da. Înana pîya çar hetê dinya de merdimanê holan zî têkoşînêk da. Kobanê nîşan da ke eke merdimê holî bibî yew, eşkenê vernîya xirabîye bigirî. Ê ke semedê Kobanê têkoşîn dayo, ma ci rê minetdar î. No kitab zî semedê înan ameyo nuştene.

Şima eşkenî kitabê 'Şilîya Hewran' Weşanxaneyê Mezopotamya ra peyda bikerî.

Mesopotamien Verlags- und Vertriebs GmbH

Gladbacher Str. 407B, 41460 Neuss

Tel.: +49 (0) 2131/4069093,

Fax: +49 (0) 2131/4029562

E-mail: [email protected],

www.pirtuk.info