Hûmara 57. ya Kovara Vateyî vejîyaye
Kovara Vateyî ke serra 1997 ra nata bi hawayo sîstematîkî safî bi kirmanckî vejîyena, hûmara ci ya 57. vejîyaye.
Hûmara 57. ya Kovara Vateyî ke safî bi ziwan, kultur, huner û sewbîna yê kirmanckî weşanê xo kena, vejîyaye.
Seke yeno zanayene, Kovara Vateyî serra 1997î ra nata bi hawayo nîzamin hîrê aşman de reyêk vejîyena û çarçewaya standardîzekerdişê kirmanckî de weşanê xo kena.
Kovara ke 21 serrî yo bi hawayo perîyodîkî weşanê xo domnena nika zî hûmara xo ya newa ya 57. vete. Kovara Vateyî ke averşîyayîş û standardbîyayîşê kirmanckî de wayîrê rolêko muhîm a, heta nika bi hûmaranê erjîyayeyan weşanê xo domnayo.
