Rojnameyê Dersimî ke her aşme bi hawayo perîyodîk vejîyeno, hûmara xo ya 79. yeno wendoxan ver.

Rojname bi manşetê ‘Wa daristanê ma nêrî veşnayene’ vejîya û na hûmare de nuşte, xebere û fotografê cîyayî ca gênî. Manşetê rojnameyî de fotografê şewatê daristanan esto û bi kirmanckî wina ameyo nuştene: “Vane darekı vese, mırcolik dare caneverdano, tey veseno vatene kırmanciya.”

Manşet de ameyo vatene ke ‘zalimî qet muhîmî nêdanî mîlçike, teyr û tûr û morceleyan’ û wina dewam kerdo: “Zalimî seba ke hukmê xo bidomnî, heme hetanê cuye çin kenî. Çi qîrayîşê daristanan û çi zî yê teyr û tûrî xemê înan de nîyo. Welat de derheqê merdimîye de çi esto, no proses de girîyeno binê lingan. Qîrayîşê daristananê Dêrsimî resa heme cayan, labelê hetê muxatabanê ci ra nêame eşnawitene. Ganî ti merdim vera nê hêrişan de bêveng nêmano; êdî bes o!, êdî bese!”

Na hûmare de xeylê nuştoxî nuştî. Nînan ra tayê ci wina yî: Daîmî Dogan, Ferhat Tunç, Can Kasapoglu, Huseyîn Ayrilmaz, Ozgun E. Bulut, Esra Çîftçî, Sema Peynîrcî, Yuksel Mutlu, Nesîmî Aday, Huseyîn Ocak, Hidir Işik, Hasan Alî Kiliç, Ergîn Dogru, Îbrahîm Karakaya, Huseyîn Ozan, Kejê Bêmale, Alî Baran.

Heto bîn de xeylê xeberê bînî zî na hûmara neweyî de ca gênî.