Hûmara peyêne ya Serxwebûnî de nuştoxan serebût û qewimîyayîşê peyênî yê dinya, herêm û Kurdîstanî ercnayî. Nuşteyan de Endamê Komîteya PKKyî Kasim Engînî, serrgêra 24. ya çalakîya xo de Zîlane (Zeynepe Kinaci), Hamleya 1ê Hezîrane ya PKKyî, îşxalê Zînî Wertê û hêrişê îşxalî yê peyênî bîyî rojdemê nuştoxan.

Na hûmare de pê nuşteyê xo yê janî ser o Hemserekê Konseya Rayberdişî ya KCKyî, pê nuşteyê xo yê Kasim Engînî ser o Endamê Komîteya Rayberdişî ya PKKyî Duran Kalkanî, pê nuşteyê xo yê Zîlane ser o Endama Konseya Serekîya Pêroyî ya KCKyî Zilare Stêrk zî ca gênê.

Hûmare de analîzêkê Rayberê Şarê Kurdî Abdullah Ocalanî zî esto. Hetê bînî ra Endamê Konseya Rayberdişî ya KCKyî Xebata Andokî zî Xoverdayîşê Gezî analîz keno.

Nînan  ra berî Nedîm Sevenî derheqê Zînî Wertê û yewîya neteweyîye de, Endama Koordînasyonê KJKyî Zêrîne Rûken zî derheqê jan û teşhîrê polîtîkayan ê komelkî û cinîyan de nuşteyêk amade kerd.

Şehîd Kasim Engînî şehadetê xo ra verî derheqê şorişgêrê enternasyonalîstî yê almanî Nager Nûjiyanî (Michael Panser)de ke 14ê kanûna 2018î de Herêmanê Pawitişî yê Medya de hêrişêkê dewleta tirke de şehîd bi, nuşteyêk nuştbi. Nuşteyê Kasim Engînî zî na hûmare de ca gêno.