Rêber Soylero ke des serrî verê cu dest pê cinayîşê zele kerd ke xeyalê ci yê qictîya ci bi, bi manzaya bêhempa ê Bexçeyanê Hevselî û wîç, wîçê milçikan  hunerê xo teqdîm keno.

Soylero ke pê zela xo zerîya merdiman keno weş,  xîret keno ke kulturê bi hezar serran bido ciwîyayene. Soyler vano o do heta dalpaya gonîya xo ya peyêne zele bicino û ciwanan ra zî wazeno ke wa wayîrê kulturê zele bivejîyê.

Solerî ard ziwan eşqê zele keyeyê ci ra yeno û vat: ''Amed de se Xalê Celal û birayê ci Mihemedî kesê ke zaf rind zele cinenî estê. Ez zî înan xo rê sey nimûne gena. Zele kulturêko zaf keheno ke herra Kurdîstanî de vejîyayo werte. Ez heme hîsanê xo pê zele ana ziwan. Verî şer û eşq pê lawikan  û sanikan ameyêne ziwan. Eleqayêka pîle ya zele û dengbejîye zî esta. Xora zele û dengbejîye yewbînan kenê temam. Dengbejîye û zele leteyê kulturê kurdî yê û ciwanî ganî wayîrê ci bivejîyê.''