Hunermendê çewlîgijî Mucahît Gokero ke bi ziwanê kirdkî hunerê muzîkî ano ca derheqê 21ê Sibate Roja Ziwanê Dayîke de qisey kerd. Gokerî ard zıwan ke ganî mîrasê ziwanî kultur, huner, zanistî reyde bêro pawitene.

Gokerî vat: ''Dinya ser o 6 hezar ziwanî estê û nînan ra se ra 43 ziwanî binê tehlukeyî de yê. Her 15 rojan de yew ziwanêk çin beno. Her çiqas teda û parçekerdişî ziwanê ma qels kerd zî  seba ke ziwanê ma biciwîyo û aver şoro perwerdeyê bi ziwanê dayîke şert o. Ma eşkenê verê domananê xo bidê hetê nasnameyê hunerî yê ziwanî. Ziwanê dayîke sey şitê dadîye heq û weş o. 21ê Sibate Roja Ziwanê Dayîke ya Dinya fîraz ba.''