Aktîvîteya hîrê  rojan bi pêramotişê resiman bî a û 22 tabloyê ke hetê resaman Ardelan Îbrahîm, Henîf Hemo û 3 cinîyan ê ezeban ra ameyê xêzekerdene amayî mojnayene. Tabloyan de şer, merg, hêriş, rijîyayîş û bi zor Efrînî ra vejîyayîşî ameyî şuxulnayene. Resaman îfade kerd ke amancê na aktîvîteye Xoverrodayîşê Zemanî û Efrînî yo ke şaristanê hunerî yo dayene fehmkerdene bî.

Aktîvîteye de 3 şaîran zî şîîrê ke babetanê xo xoverrodayîşê şervanan ê YPG/YPJî û ciwîyayîşan ê şarê Efrînî ra girewtê wendî. Peynîya roja aktîvîteyî ya verêne de musnayîşê fîlmêko ke hêrişanê qirkerdişî yê ke Efrînî rê ameyê kerdene virazîya.

Resam Ardelan Îbrahîmî derheqê aktîvîteyî de wina vat, “Ma nê tabloyî bi îmkananê xo yê kêmasîyan xêze kerdî. Seba ke ma bieşkayîme na aktîvîteye bivirazîme hîrê mengê ma şîyî. Tabloyê ma bala ancenê hêriş û xoverrodayîşî ser.” Şaîr Mihemed Welîdî zî vat ke  “Mi şîîranê xo de babete ‘hêvîya reyna agêrayîşê Efrînî û Xoverrodayîşê Zemanî’ ra girewte.”