Festîvala Kultur û Hunerê Kurdan a Frankfurtî bi şîarê 'Ma îşxal û tecrîdî bişiknê, Rayber Apoyî azad bikerê' roja şemeyî ameye kerdene. Festîvale de xeylêk hunermendî vejîyaye sehne ser. Nînan ra Şehrîbana Kurdî û endama Koma Rastakî Ferzadê Muradî ANFyî rê qalê girîngîya festîvale kerd.

Şehrîbana Kurdî îfade kerd ke bi na festîvale ganî kurdî yewîya xo awan bikerê û vat: ''Hêrişê vera kultur û hunerê kurdan dewam kenê. Ma ganî hêrişanê winayênan tim xo ver bidê. Şarê ma bi beşdarîya na festîvale wayîrê ziwan û kulturê xo vejîya. Heyf ke tehlukeyê birakûjî hema zî est o. Ez venga şarê ma dana ke ganî ma paştî bidê yewbînan û nêverdê ke dişmen ma parçe bikero.''

Endamê Koma Rastakî Ferzadê Muradîyî vat: ''Ez kêfweş a ke na festîvale de kişta hunermendanê kurdan ê pîlan de vejîyaya sehne ser. Dadî û babîyê mi zî kurd ê. Ez hêvî kena ke festîvalê winayênî do dewam bikerê û bi wesîleya nînan kulturê cîyayî nêzdîyê yewbînan benê. Festîvalê winayênî seke pird ê xebitîyenê.''