TEV-ÇEND her serre Kampa Govende serûber keno. Emser zî mabênê 21-29ê kanûna 2019î de Almanyaya Başûre de kampêk ameye serûberkerdene. Kampe de govendê Semdûrî, Qoçkirî, Botanî û Amedî ameyî girewtene. Kampe de dersê rîtîmî, cil û kiincê neteweyî zî ameyî dayene.

Govendgerê ke mezûn bîyî zî dersê govendanê Bedlîsî, Xinisî û Wêranşarî dîyî. Her roje tarîxê Kurdîstanî, cinîyan, şerê taybetî rastîye û azadîye ser o zî dersî ameyî dayene. Dersê peyênî de rewşa peyêne ya Rayberê Şarê Kurdî Abdullah Ocalanî ameye muneqeşakerdene.

Çalakîya Yadkerdişê Mazdek Araratî

Ciwanan hunermend Mazdek Ararat (Omer Bagci) yo ke 13ê êlula 2019î de Rojawan de qezayêkê trafîkî de merd yad kerd.  Na çalakîye de qala cuye, têkoşînî û hunermendîya Araratî ameye kerdene.

Kongre û Şewa Moralî

Roja pêyene ya kampe de serra 2019î ameye ercnayene û plansazîye ameye kerdene. Çalakîya moralî zî şan ameye kerdene. Sinifa 3. û 4. skeçê bi 30 deqayan kay amade kerd. Dima ciwanan deyîrî vatî û govendî girewtî. Peynîya şewe de sertîfîkayê ciwanan ameyî dayene. Qiseykerdişan ra dima şewa moralî qedîyaye.