Kampa Govendanê Kurdîstanî ya ke 20ê kanûne de şaristanê Bielefeldî yê Almanya de dest pêkerdbî, 29ê kanûne de bi coşî qedîyaye. Bi temamî 122 şagîrtî û 24 mamostayî Hollanda, Almanya, Swîsre, Fransa û Avusturya ra tewrê kampe bîyî. 

Kampe de govendê herêmanê Îdir, Qerejdax, Gimgim, Colemêrg, Riha, Amed, Botan û Qoçgirî yê Kurdîstanî ameyî musnayene. Ciwanan perwerdeyê govende reyde dersê rîtmî zî girewtî.

Roja peyêne de şewa moralî ameye kerdene. Ciwanan şewe de tîyatro kerd, deyîrî vatî û govende girewte. Endamanê Koma Amedî ciwanan rê suprîz kerd û deyîrî vatî. 

Dima ciwanan rê sertîfîkayî ameyî vilakerdene.