Komeleya Edebîyat, Hunerî û Kulturî ya Cinîyan (KASED) bi wesîleya serrgêra 3. ya ronîyayîşê xo qezaya Yenîşehîrî ya Amedî de konserêk da. Cinî û ciwanan eleqeyêko pîl mojna konserî.

Konser de verî Sereka KASEDî Devrîme Demîr qisey kerd. Devrîme îfade kerd ke cinîyî seba kulturê xo têkoşînî kenê û vat: ''Cinîyî her roje raştê qedexe, astengîyan yenê. Kincê ma yê neteweyî û deyîrê ma yenê qedexekerdene. Ma seba ke kulturê cinîyan bidê ciwîyayene ameybî yewca. Hedefê ma pîl o. Ma vilayê pêro Kurdîstanî bibê û cinîyan rê waran awan bikerê. Ma seba ke hunerî bikerê komelkî tîya de yê. Eke ma pîya têkoşîn bikerê eşkenê hunerî azad bikerê. Şima nêeşkenê pê qefilnayîşê dezgehanê ma vengê ma zî bibirnê. Ma benê pîlêr.  Ê kenê ke pê festîvalanê xo kulturê ma dejenere bikerê. Ê hêrişê vîrê komelî kenê. La ma pê têkoşînê xo do biresê hedefanê xo.'' 

Qiseykerdişê Devrîme ra dima Kolektîfa Ritmên Azad vejîya sehne ser. Cinî û ciwanan pê deyîranê kome govende girewte. 

Dima Koma Heraya ke şaristanê Xorasanî ya Rojhelatê Kurdîstanî ra ameya, vejîyaye sehne ser.