Bajarê Kasselî yê Almanya de bi şîarê ''Komelêko azad, cuyeya ekolojîke'' Festîvala Rojawanî ameye kerdene. Festîvale de verî bi sernameyê ''Cuyeya ekolojîke û  Rayberê Şarê Kurdî Abdullah Ocalanî rê azadîye'' di panelî ameyî kerdene.

Programê festîvale bi rêzgirewitşê semedê Şehîdanê Azadîye yê Kurdîstanî dest pêkerd.  Hemserekê Komeleya Kurdan a Kasselî vejîyayî sehne, şar selam kerd û vat ê hêvî kenê ke felsefeya Apoyî Rojawan de bêro ciwîyayene.

Bi nameyê Komeleya Keyeyanê Şehîdan  (KOMAW) zî Ahmet Aktaşî qisey kerd. Aktaşî vat şehîdî rayîrê înan roşn kenê û ê do tim rêça şehîdan de têkoşîn bikerê.

Hemsereka FED-DEMî Sebahete Ergîn zî şar selam kerd û qewimîyayîşî erjnayî.

Pîya bi warê kaykerdişî yê semedê domanan xeylêk standî ameyî akerdene. Hozan Serfiraz, Koma Şehîd Xebat û Kewê vejîyayî sehne. Şarî pîya bi deyîranê hunermendan govende girewte.

Festîvala bicoşî de sloganê sey “Bijî Berxwedana Rojava” ameyî vatene.