Kayê bi kirmanckî Çîçu siba do bêro mojnayene

Wextêkê dergî ra dima Kargehê Hunerî yê Seyrî Meselî bi kayê tîyatroyî yê Çîçu yê bi kirmanckî newe ra vejîyeno sehne ser. 

Kargehê Hunerî yê Seyrî Meselî yo ke wextê rewşa îstîsnayî de bi qerarnameyî amebi girewtene wextêkê dergî ra dima kayê tîyatroyî yê neweyî yê bi nameyê ''Çîçu'' do bivejîyo sehne.

Kayê Çîçu yo ke bi temamî kirmanckî yo hetê Azîz Nesînî ra ame nuştene û qala tênatîya mêrikêkî keno ke xo komelî ra visneno dûrî. Kayê Çîçu hetê Erdal Cevîzî ra yeno îdarekerdene û kaykerdoxê kayî zî Alîşan Onlu yo. Kayê Çîçu heman wextî de bi hawayêkê sembolîkî tênatîya kirmanckî û dûrvisnayîşê ci ra zî qal keno. Ramojnayîşo verên ê kayî 6ê sibate (siba)do bêro kerdene.

Zanayîşê derheqê ramojnayîşê kayî de wina yê:

Ca: Keyeyê Kultur û Hunerî yê Nazim Hîkmetî yê Şîşlî-Îstanbul
Wext: 06ê sibata 2020î
Saete: 20:00
Îdarekar: Erdal Cevîz
Kaykerdox: Alîşan Onlu